www.furqon.com

ЎЗБЕКИСТОН ИСЛОМИЙ ҲАРАКАТИ ЛАШКАР ҚЎМОНДОНИ

АББОС МАНСУРНИНГ ҚИРҒИЗИСТОНДА РЎЙ БЕРГАН

ОХИРГИ ВОҚЕАЛАРГА НИСБАТАН МУНОСАБАТИ

بِسْمِ اللهِ الرَّحْمنِ الرَّحِيمِ

إن الحمد لله ، نحمده، و نستعينه، و نستغفره، و نعوذ بالله من شرور أنفسنا و من سيئات أعمالنا، من يهده الله فلا مضل له، و من يضلل فلا هادي له، و أشهد أن لا إله إلا الله وحده لا شريك له، و أشهد أن محمدا عبده و رسوله. أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا و إِنَّ اللهَ عَلَى نَصْرِهِمْ لَقَدِيرٌ

“Ҳужумга учраётган зотларга мазлум бўлганлари сабабли (жанг қилиш) изни берилди. Албатта Аллоҳ уларни ғолиб қилишга қодирдир”.

“Ҳаж” сураси, 39-оят

Авваламбор охирги воқеаларда кофир ҳукумат томонидан мол-мулки мусодара қилинган, номуси топталган, яқинларидан ажраган мазлум ака-укалар, мазлума опа-сингилларга, сўнг жами Қирғизистонда яшаётган мусулмонларга саломимни айтаман.

Ассаламу алайкум ва роҳматуллоҳи ва барокатуҳ.

Қирғизистон жанубида содир бўлган воқеалардан сўнг тўхтовсиз давом этаётган, асосан ўзбек биродарларга одам боласи тоқати етмайдиган зулм ва фитналар бўлаётган бир вақтда оддий мусулмон сифатида ушбу мурожаатни қилишга мажбур бўлдим.

Чегараси кўринмаётган, кундан кунга ривожланиб бораётган бу ифлос сиёсат қурбонига айланган ўзбек қариндошларга ҳамдард эканлигимизни билдирамиз.

Албатта, биз, Ўзбекистон Исломий Ҳаракати мужоҳидлари бу бўлаётган воқеаларга бефарқ қараб турган эмасмиз. Бўлаётган ҳар бир воқеани ахборот манбалари орқали эшитиб, кўриб турибмиз. Бизнинг қулоғимизга эшитилган ҳар бир яқинидан ажраб, моли мулки тортиб олинган номус обруси тўкилган, фарёд чекиб йиғлаётган мазлум ва мазлумаларнинг нидосидан қалбимиз ачишади.

Сизларнинг қонингиз бизнинг қонимиз, сизларнинг номусингиз бизнинг номусимиз. Биз сизлар билан диндош, қондош, қавмдош бўлган биродарлармиз, сизларнингқайғуларингизга бизлар ҳам шерикмиз.

Бу зўравонликлар содир бўлган пайтда Ҳаракатимиз амири Усмон Одил ва Ҳаракатимиз расмий нотиқи Абдул Фаттоҳ Аҳмадийлар мурожаат қилишиб, бу воқеаларга Ҳаракат номидан ўз муносабатларини билдиришди.

Биз бу фитналар орқасида АҚШ, Русия, Ўзбекистон сингари золим режимлар яшириниб олиб азалдан иттифоқда яшаб келган икки халқ ўртасини бузиб, қайта ярашмайдиган душман қилмоқчи бўлганликларини яхши биламиз.

Уларнинг ягона мақсади мусулмон халқларни йўқотиш, зудлик билан қайта ривожланиб келаётган Ислом динига нуқта қўйиш ва шу дин ривожига асосий ҳиссасини қўшаётган ўзбек қариндошларнинг наслини йўқотиш.

Бундай кўринишдаги ваҳшийлик, зўравонликни улар золим Каримовнинг зулмларидан дарс олиб ўрганишган, бу воқеалар Ўзбекистонда йигирма йилдан буён давом этиб келаётган мустабид сиёсат оқибатининг намунаси. Чунки у жойда ҳам мусулмон ўзбек халқлари қатлиом қилинган бўлса, Қирғизистонда ҳам мусулмон ўзбек халқлари қатлиом қилинмоқда.

Биз қирғиз ва ўзбек халқларини тинчликка, бирликка чақирамиз, сизларнинг душманингиз халқлар эмас, сизларнинг душманингиз Отунбаева бош бўлган золим режим, у бошида турган сиёсатчилардир. Улар АҚШ ва Русия каби кофир давлатлардан олган вазифаларини аниқ бажаришиб, икки миллатни ҳам қираётганини биз яхши биламиз.

Сизларга насиҳатимиз Аллоҳ ва Росулига қайтингизлар, Аллоҳнинг Китоби ва пайғамбаримиз ҳадисларида айтилган Ҳақ йўлга амал қилингиз, шундагина Аллоҳ таоло бизларга тўғрини кўрсатади.

Биз ҳақиқат, ростгўйлик, адолатни, демократия, деган кўзбўяма сиёсатдан эмас, асрлар давомида диёрларимизда ҳукмронлик қилиб келган муқаддас динимиздан излашимиз керак.

Борган сайин жиҳод байроғини Ер юзига тарқатаётган, деярли ҳамма жиҳод майдонларида Аллоҳ учун жон бериб қон тўкаётган Ҳаракатимиз мужоҳидлари бу зулмларга қарши сўз билан ҳам, амалда ҳам залворли жавоб беришга тайёр. Ҳаракатимиз фақатгинаЎрта Осиёда эмас, балки бутун Ер юзига Ислом байроғини ўрнатиб, ҳамма ишларни шариат соясида ҳал қилишни ўз олдига асосий мақсад қилиб қўйган.

Афғонистон, Покистон, Тожикистон диёрларида ҳилпираган қора байроқларимиз яқин кунларда Аллоҳнинг ёрдами билан иншаАллоҳ Ўзбекистон, Қирғизистонда ҳам ҳилпирайди, у кунлар яқин, инша Аллоҳ.

Эй қирғиз халқи бошига келган золимлар! Билиб қўйинглар, сизлар бошлаган бу зулмларнинг ҳам охири бор, бир кун келиб ҳамма қилган ишларингга жавоб берасиз!

Июнь ойидан бошлаб шу кунгача ҳар хил кўринишдаги хунрезликка сизлар жавобгар, шу вақтгача индамаган тинч халқни қирдиларинг, энди эса ўша зўравонликларга қарши чиққан ҳақиқий мард йигитларни ўлдира бошладиларинг, бунга охирги кунларда Ўш ва Бишкекда содир бўлган охирги воқеалар очиқ гувоҳ.

Бўлиб ўтган охирги воқеаларда зулмларга қарши жанг қилиб, таслим бўлмасдан охиригача урушиб, ҳалок бўлганларни ҳақиқий шаҳидларимиз деб ҳисоблаймиз. Бу бўлган воқеалар золим ҳукуматга қарши инқилобларнинг бошланишигина.

Чунки кофирлар Тожикистонда бўлган жиҳодни бу “биродаркушлик” ёки ўзаро жангимиз, деб эълон қилишди, Чеченистондаги жиҳодни эса бу чеченларнинг инқилоби, дейишди, шунга ўхшаш Қирғизистондаги ҳаракатларни ҳам бу ўзбекларнинг миллатчилик ҳаракатлари, дейишмоқда.Лекин улар бу ишлар қирғиз ва ўзбеклардан ташкил топган ҳақиқий ўғлонлар уйғониши эканлигини яширишга уринишмоқда.

Отунбаева, Бекназаров, Текебаев, Мырзакматова бошқа қирғиз мулозимлари сизларга қарата айтар сўзимиз:

Қилаётган зулмларинглардан қўлларингни тортинглар, оқсоқоллар ва ёш болаларни ўлдирманглар, аёллар номусига қўл узатманглар. Агар бу ишлардан тўхтамасаларинг, ўзларингдан аввалги ўтганларнинг оқибатларини кутаверинглар.

Кашмирда ҳиндулар, Боснияда салибийлар, Ироқ ва Афғонистонда АҚШ кучлари, Покистонда эса золим ҳукумат, мусулмонларга қарши қилган зулмлари учун шу дунёнинг ўзида ўз жазоларини олишди ва олишмоқда. Уларни яқин кунларда Аллоҳнинг қаттиқ азоби кутмоқда, сизларни ҳам яқинда ўшаларнинг аҳволига тушасизлар инша Аллоҳ.

Олти йилдан буён Покистон золим режимига ва Афғонистондаги НАТО кучларига қарши тинмасдан кураш олиб бораётган, бир неча ойдан бери Ислом ҳукмларини таҳқирлашдан тўхтамаган Тожикистон ҳукуматига қарши жиҳод оловини ёққан Ҳаракатимиз Қирғизистонда бўлган бу хунзезликларни унутмайди.

Биз учун Лал масжидда зўрланган муслима билан Ўшда зўрланган муслиманинг фарқи йўқ, биз учун Афғонистонда ўлдирилган ёш бола билан Ўшда ўлдирилган ёш боланинг фарқи йўқ, биз учун Андижонда қони тўкилган бечора одамлар билан Ўшда оммавий қатлиом қилинган бечора одамларнинг фарқи йўқ. Биз Роббим Аллоҳ, Пайғамбарим Муҳаммад (саллаллоҳу алайҳи васаллам), диним Ислом, деган аҳли суннат вал жамоа ақидасида бўлган ҳар бир мусулмонни биродаримиз, деб хисоблаймиз.

Эй Қирғизистонда яшаётган дин олимлари! Сизлар ҳам бу бўлаётган ишлардан сўраласизлар, нима учун урушаётган одамлар қўлидан ушлаб, бу ишни қилманглар, бу фитна, бу ишларнинг орқасида яҳуд ва бошқа дин душманлари туришибди, бу фитнага алданманглар, биз мусулмон қариндош халқлармиз, деб аймайсизлар. Сизлар одамларга ҳақиқий дин душманларини танитинглар. Аллоҳ ва Росули кўрсатган йўлдан юришни одамларга ўргатинг.

Эй Қирғизистонда яшаётган барча мусулмонлар! Биз кимларнинг авлоди эканлигимизни ёддан чиқармайлик, биз доимо дин душманларига қарши бир саф бўлиб, елкама елка туриб жанг қилган халқлармиз, тарихимизни ёддан чиқармайлик, ўзимиздан кейин ёмон тарих қолдирмайлик. Ўзимизнинг хақиқий душманимиз кимлигини таниб олайлик, муқаддас динимиз душмани бўлган кофир ва мунофиқларга қарши биргаликда жанг қилишни Аллоҳ таало Ўзи бизларга насиб қилсин.

ЎЗБЕКИСТОН ИСЛОМИЙ ҲАРАКАТИ